სიახლეები

12 ნოემბერს, სასტუმრო „ჰოლიდეი ინნ თბილისში“, გაიმართა საქართველოს კოგნიტურ-ბიჰევიორული თერაპიის პირველი კონფერენცია თემაზე „თანამედროვე მიღწევები და გამოწვევები კოგნიტურ-ბიჰევიორულ თერაპიაში“.

კონფერენციას ესწრებოდნენ ფსიქიკური ჯანმრთელობის დარგში მომუშავე სპეციალისტები, ფსიქოლოგები, ფსიქოთერაპევტები, ფსიქიატრები და სხვა დაინტერესებული პირები.

მომხსენებლებმა წარმოადგინეს კოგნიტურ-ბიჰევიორული და სქემაზე ფოკუსირებული თერაპიის თანამედროვე მიღწევები, გაიმართა დისკუსია და მონაწილეებს გამოცდილების გაზიარების შესაძლებლობა მიეცათ.